నల్లగొండ నగర అభివృద్ధికి భారీ బడ్జెట్ ప్రకటించబడింది. మేయర్ బుర్రి చైతన్య శ్రీనివాస్ రెడ్డి రూ. 281.46 కోట్ల బడ్జెట్ ను ప్రవేశపెట్టారు.

ఈ బడ్జెట్‌లో నగర మౌలిక వసతుల అభివృద్ధికి పెద్దపీట వేయగా, కేంద్ర–రాష్ట్ర ప్రభుత్వాల నుండి వచ్చే గ్రాంట్లు ప్రధాన ఆదారంగా నిలిచాయి. మొత్తం రూ. 203.01 కోట్లు గ్రాంట్ల రూపంలో అందనున్నట్లు పేర్కొన్నారు.

మురికివాడల అభివృద్ధి, బలహీన వర్గాల సంక్షేమానికి ప్రత్యేక ప్రాధాన్యత ఇచ్చినట్లు తెలిపారు. పారిశుద్ధ్యం, తాగునీరు, హరితహారం కార్యక్రమాలను నగర అభివృద్ధికి మూడు ప్రధాన స్తంభాలుగా గుర్తించారు.

ఇక జీతాలు, విద్యుత్ బిల్లులు వంటి తప్పనిసరి ఖర్చులకు సుమారు రూ. 40 కోట్లు కేటాయించారు. నగర అందాన్ని పెంచేందుకు పార్కులు, మార్కెట్లు, పార్కింగ్ సదుపాయాల అభివృద్ధికి ప్రణాళికలు సిద్ధం చేశారు.

వార్డుల వారీగా అభివృద్ధి కార్యక్రమాలకు రూ. 18.45 కోట్లు కేటాయిస్తూ, గ్రౌండ్ లెవల్‌లో పనులు వేగవంతం చేయనున్నట్లు వెల్లడించారు.

ఈ బడ్జెట్‌ను “మేయర్ మార్క్ బడ్జెట్”గా అభివర్ణిస్తూ, ప్లానింగ్‌లో స్పష్టత, అమల్లో వేగం ఉంటుందని అధికారులు తెలిపారు.

ప్రజల్లో ఈ బడ్జెట్‌పై విశ్వాసం పెరుగుతుండగా, “నల్లగొండ నెక్స్ట్ లెవల్” అంటూ చర్చ జరుగుతోంది.